Прв број на „Линк“ списание за аудиовизуелни уметности
Од печат излезе првиот број на списанието за аудиовизуелни уметности „Линк“, издание на Универзитетот за аудиовизуелни уметности Европска филмска, театарска и танцова академија Скопје – Париз – Есен – Ротердам, како дел од меѓународните проекти и активности што Универзитетот ги покрена и организира по повод десетгодишнината од основањето.
-Идејната замисла на списанието е да се занимава со прашања и проблеми што произлегуваат од областа на филмската, театарската, музичката и танцовата уметност, фузинирајќи ги во целина од научен аспект. Со тоа се пополнува една празнина во културната, научната и образовна дејност во Република Македонија и се отвара поле за аналитичко, компаративно, критичко , историско и теориско разгледување , со што всушност ќе се артикулира една научна рефлексија на областите што претставуваат предмет на изучување на студиските програми на Универзитетот - истакнува главниот уредникпроф. Д-р Александар Трајковски.
Тенденција е позиционирање како списание со научно истражувачки карактер со импакт фактор во издавачката дејност за што е формирана и меѓународна редакција од еминетни уметнички и научни дејци од САД, Словачка, Франција, Германија, Бугарија, Романија и Македонија.
Во првиот број на списанието е објавен есејот од Јордан Плевнеш „Макрон, нова шанса за Европа и интеграцијата на Балканот во ЕУ“, преземен од француски „Монд“, потоа текстот на проф. Д-р Мишо Нетков - „Телевизијата како медиум во зачувување на исторкиско-културниот идентитет“, на проф. Д-р Стефан Сидовски - „Филмско уметничко дело“, на проф. Д-р Александар Трајковски -„Развојниот пат на филмската музика“, на проф. Д-р Томислав Таневски - „Применета музика или функционална музика во филмот“, на проф. Д-р Љупчо Коцкаров - „Музиката во функција на интеркултурното образвание, на проф. Д-р Мимоза Рајл - „Македонскиот Хамлет“, на м-р Валентино Скендеровски - „Популарната култура како место на отпор„ и на м-р Милчо Узунов – „Дистрибуција на видеосигнали“.
Публицитет.мк